17 yoshli futbolchi Erondagi namoyishlar vaqtida halok bo‘ldi.
Hengaw huquqni himoya qilish tashkiloti xabariga ko‘ra, kurdistonlik talaba Rebin Moradi 8 yanvar kuni mamlakat hukumat kuchlari tomonidan otib o‘ldirilgan. U Eron yoshlar Premyer-ligasida "Saypa" jamoasida o‘ynar edi.
Qayd etilishicha, Moradining oilasi dushanba kuni uning o‘limi haqida tasdiqnoma olgan - uning qayerdaligi haqida 4 kun davomida hech qanday ma’lumot bo‘lmagan. Futbolchining jasadini olib ketishga hali yaqinlariga ruxsat berilmagan.
Futboldan tashqari, Moradi suzish bo‘yicha o‘z yosh toifasida chempion bo‘lgan, shuningdek, boshqa sport turlari, jumladan, kurash bilan faol shug‘ullangan.
Eronda norozilik namoyishlari 28 dekabr kuni mamlakatdagi iqtisodiy vaziyatdan norozilik tufayli boshlandi. The Human Rights Activists News Agency ma’lumotlariga ko‘ra, namoyishchilarning xavfsizlik kuchlari bilan to‘qnashuvlari oqibatida 2571 kishi halok bo‘lgan. 18,1 mingdan ortiq kishi hibsga olingan.
