Alvaro Arbeloa "Real"ning Ispaniya Kubogida "Albasete" (2:3) bilan o‘yindagi mag‘lubiyati haqida fikr bildirdi.
"Bu klubda hatto durang ham yomon natija, fojia, bunday mag‘lubiyat qanday bo‘lishini tasavvur qiling. Ayniqsa, quyi liga jamoasidan.
Agar kimdir javobgar bo‘lsa, bu menman, chunki aynan men tarkib, o‘yin uslubi va almashtirishlarni tanlaganman. Faqat futbolchilarga meni qabul qilgani, jismoniy va ruhiy tiklanishiga yordam bergani uchun minnatdorchilik bildirishim mumkin.
Bu mos tarkib ekanligiga ishonchim komil edi. Menda juda iqtidorli jamoa bor, ammo futbolchilarga ertasi kuniyoq men so‘ragan ishni qilishni boshlash oson emas. Oxir-oqibat mas’uliyatni o‘z zimmamda his qilyapman," - dedi "Real" bosh murabbiyi.
