Альваро Арбелоа "Реал"нинг Испания Кубогида "Альбасете" (2:3) билан ўйиндаги мағлубияти ҳақида фикр билдирди.
"Бу клубда ҳатто дуранг ҳам ёмон натижа, фожиа, бундай мағлубият қандай бўлишини тасаввур қилинг. Айниқса, қуйи лига жамоасидан.
Агар кимдир жавобгар бўлса, бу менман, чунки айнан мен таркиб, ўйин услуби ва алмаштиришларни танлаганман. Фақат футболчиларга мени қабул қилгани, жисмоний ва руҳий тикланишига ёрдам бергани учун миннатдорчилик билдиришим мумкин.
Бу мос таркиб эканлигига ишончим комил эди. Менда жуда иқтидорли жамоа бор, аммо футболчиларга эртаси куниёқ мен сўраган ишни қилишни бошлаш осон эмас. Охир-оқибат масъулиятни ўз зиммамда ҳис қиляпман," - деди "Реал" бош мураббийи.
