"Aston Villa" bosh murabbiyi Unai Emeri APLning dekabr oyidagi eng yaxshi murabbiyi deb topildi.
2025 yilning so‘nggi oyida mutaxassis jamoa bilan oltita o‘yinda bitta mag‘lubiyat bilan beshta g‘alabaga erishdi va to‘plar nisbati "+2" ko‘rinishida bo‘ldi.
Shuningdek, sovrin uchun Mikel Arteta ("Arsenal"), Pep Gvardiola ("Manchester Siti") va Daniel Farke ("Lids") kabi murabbiylar ham da’vogarlik qilgandi.
Birmingem klubi ayni damda APL turnir jadvalida 21 o‘yinda 43 ochko jamg‘arib, 3-o‘rinda bormoqda.
Emeri uchinchi marta APLda oyning eng yaxshi murabbiyi deb topildi, avvalroq ikki marta 2023 yilning aprel va dekabr oylarida u bu sovrinni qo‘lga kiritgan edi.













