"Manchester Yunayted" yozda yangi murabbiy tayinlamoqchi. The Telegraph xabariga ko‘ra, klub bu borada shoshilinch qaror qabul qilmaydi - "qizil iblislar"ning bosh murabbiy qidirish jarayoni jahon chempionati - 2026 yakuniga qadar cho‘zilishi mumkin. Shu sababli terma jamoalar bilan ishlaydigan mutaxassislar, masalan, Karlo Anchelotti, Yulian Nagelsmann, Maurisio Pochettino, Tomas Tuxelni hisobdan chiqarib bo‘lmaydi.
"Manchester Yunayted"ga yangi murabbiy tanlashda asosiy mezon bosimga dosh bera olish qobiliyati bo‘ladi, deyiladi materialda.
Eslatib o‘tamiz, yil boshida "Manchester Yunayted"ni Ruben Amorim tark etgandi. Shundan so‘ng jamoa boshqaruvida Darren Fletcher bir nechta o‘yin o‘tkazdi. Kuni kecha esa jamoa mavsumni Maykl Kerrik qo‘l ostida yakunlashi e’lon qilindi.
