"Манчестер Юнайтед" ёзда янги мураббий тайинламоқчи. The Telegraph хабарига кўра, клуб бу борада шошилинч қарор қабул қилмайди - "қизил иблислар"нинг бош мураббий қидириш жараёни жаҳон чемпионати - 2026 якунига қадар чўзилиши мумкин. Шу сабабли терма жамоалар билан ишлайдиган мутахассислар, масалан, Карло Анчелотти, Юлиан Нагельсманн, Маурисио Почеттино, Томас Тухелни ҳисобдан чиқариб бўлмайди.
"Манчестер Юнайтед"га янги мураббий танлашда асосий мезон босимга дош бера олиш қобилияти бўлади, дейилади материалда.
Эслатиб ўтамиз, йил бошида "Манчестер Юнайтед"ни Рубен Аморим тарк этганди. Шундан сўнг жамоа бошқарувида Даррен Флетчер бир нечта ўйин ўтказди. Куни кеча эса жамоа мавсумни Майкл Кэррик қўл остида якунлаши эълон қилинди.
