Marokash terma jamoasi bosh murabbiyi Valid Regragi Afrika Kubogi finali vaqtida Senegal terma jamoasi futbolchilarining maydonni tark etganiga izoh berdi.
Senegalliklar hal qiluvchi o‘yinda marokashliklarni mag‘lub etib, turnir g‘olibiga aylandi. Ikkinchi bo‘limga qo‘shib berilgan 24-daqiqada Braim 11 metrlik jarima zarbasini markazga yo‘lladi va raqiblar darvozaboni Eduar Mendi to‘pni ushlab oldi. Zarba oldidan penalti belgilash bilan bog‘liq uzoq davom etgan mojarolar bo‘lib o‘tdi, Senegal jamoasi maydonni tark etdi.
"Braim xavotirga tushdi. Bugungi o‘yinga nazar tashlasak, bugun biz taqdim etgan Afrika qiyofasi biroz uyatli ko‘rinadi. Murabbiy o‘z o‘yinchilaridan maydonni tark etishni so‘raganda...
Yuqorida aytganimdek, mag‘lub bo‘lishni ham, g‘alaba qozonishni ham bilish kerak. Bugun Papning, qilgan ishi Afrikaga sharaf keltirmaydi. Bu unchalik munosib emas, lekin hechqisi yo‘q, u Afrika chempioni, shuning uchun xohlagan narsasini gapirishga haqli", dedi Regragi.
