Марокаш терма жамоаси бош мураббийи Валид Реграги Африка Кубоги финали вақтида Сенегал терма жамоаси футболчиларининг майдонни тарк этганига изоҳ берди.
Сенегалликлар ҳал қилувчи ўйинда марокашликларни мағлуб этиб, турнир ғолибига айланди. Иккинчи бўлимга қўшиб берилган 24-дақиқада Браим 11 метрлик жарима зарбасини марказга йўллади ва рақиблар дарвозабони Эдуар Менди тўпни ушлаб олди. Зарба олдидан пенальти белгилаш билан боғлиқ узоқ давом этган можаролар бўлиб ўтди, Сенегал жамоаси майдонни тарк этди.
"Браим хавотирга тушди. Бугунги ўйинга назар ташласак, бугун биз тақдим этган Африка қиёфаси бироз уятли кўринади. Мураббий ўз ўйинчиларидан майдонни тарк этишни сўраганда...
Юқорида айтганимдек, мағлуб бўлишни ҳам, ғалаба қозонишни ҳам билиш керак. Бугун Папнинг, қилган иши Африкага шараф келтирмайди. Бу унчалик муносиб эмас, лекин ҳечқиси йўқ, у Африка чемпиони, шунинг учун хоҳлаган нарсасини гапиришга ҳақли", деди Реграги.
