Qozog‘istonning "Qayrat" klubi ustozi Rafael Urazbaxtin Chempionlar ligasi umumiy bosqichidan o‘rin olgan Belgiyaning "Bryugge" jamoasi bilan o‘yin oldidan o‘z fikrlarini bildirib o‘tdi. O‘yin 20 yanvar kuni bo‘lib o‘tadi va Toshkent vaqti bilan 20:30 da boshlanadi.

"Biz birinchi marta bunday vaziyatga tushib turibmiz. Bunchalik erta rasmiy o‘yinlarni hali o‘tkazmagandik. Hozir yig‘in bor edi - tayyorgarlik uchun 12 kun. Bu davrda optimal kondisiyaga erishish qiyin. Har qanday holatda ham munosib ko‘rinishga harakat qilamiz", - deya murabbiyning so‘zlarini keltiradi Nursport.

Shuningdek, Urazbaxtin jamoa o‘zining odatiy uslubiga sodiq qolishini va o‘yinga taktik jihatdan to‘g‘ri yondashishga harakat qilishini ta’kidladi.

"Bryugge" 4 ochko bilan 31-o‘rinda, "Qayrat" 1 ochko bilan 36-o‘rinda bormoqda.