Қозоғистоннинг "Қайрат" клуби устози Рафаэль Уразбахтин Чемпионлар лигаси умумий босқичидан ўрин олган Бельгиянинг "Брюгге" жамоаси билан ўйин олдидан ўз фикрларини билдириб ўтди. Ўйин 20 январь куни бўлиб ўтади ва Тошкент вақти билан 20:30 да бошланади.
"Биз биринчи марта бундай вазиятга тушиб турибмиз. Бунчалик эрта расмий ўйинларни ҳали ўтказмагандик. Ҳозир йиғин бор эди - тайёргарлик учун 12 кун. Бу даврда оптимал кондицияга эришиш қийин. Ҳар қандай ҳолатда ҳам муносиб кўринишга ҳаракат қиламиз", - дея мураббийнинг сўзларини келтиради Nursport.
Шунингдек, Уразбахтин жамоа ўзининг одатий услубига содиқ қолишини ва ўйинга тактик жиҳатдан тўғри ёндашишга ҳаракат қилишини таъкидлади.
"Брюгге" 4 очко билан 31-ўринда, "Қайрат" 1 очко билан 36-ўринда бормоқда.
