Misrning "Al-Ahli" klubi forvardi Hamza Abdelkarim "Barselona"ga o‘tishga yaqin turibdi. Klublar uzoq davom etgan muzokaralardan so‘ng 18 yoshli futbolchining transfer shartlari bo‘yicha kelishuvga erishdi, deya xabar bermoqda Diario Sport.

Istiqbolli misrlik "ko‘k-anorranglilar" safiga mavsum oxirigacha ijara asosida 3 mln yevroga sotib olish imkoniyati bilan qo‘shiladi, yana 5 mln bonuslar ko‘rinishida to‘lanishi mumkin.

Qayd etilishicha, dastlab Hamza Abdelkarim Kataloniya grandining ikkinchi jamoasida to‘p tepadi. "Al-Ahli" tarkibida u to‘qqizta o‘yinda maydonga tushib, samarali harakat qilmagan bo‘lsa, Misr U-17 terma jamoasi safida 19 ta o‘yinda 12 ta gol urgan.