Мисрнинг "Ал-Аҳли" клуби форварди Ҳамза Абделкарим "Барселона"га ўтишга яқин турибди. Клублар узоқ давом этган музокаралардан сўнг 18 ёшли футболчининг трансфер шартлари бўйича келишувга эришди, дея хабар бермоқда Diario Sport.
Истиқболли мисрлик "кўк-анорранглилар" сафига мавсум охиригача ижара асосида 3 млн еврога сотиб олиш имконияти билан қўшилади, яна 5 млн бонуслар кўринишида тўланиши мумкин.
Қайд этилишича, дастлаб Ҳамза Абделкарим Каталония грандининг иккинчи жамоасида тўп тепади. "Ал-Аҳли" таркибида у тўққизта ўйинда майдонга тушиб, самарали ҳаракат қилмаган бўлса, Миср U-17 терма жамоаси сафида 19 та ўйинда 12 та гол урган.
