Angliya chempionatining 23-turida "Liverpul" safarda "Bornmut"ga imkoniyatni boy berdi - 2:3.
Uchrashuvning 33-daqiqasidayoq mezbonlar 2:0 hisobida oldinga o‘tib olishgan edi - Evanilson va Alexandro Ximenes o‘z hisobiga gol yozdirib qo‘ydi. Mehmonlar Virjil van Deyk va Dominik Soboslaining gollari evaziga javob qaytardi. 90+5-daqiqada Amin Adli "Bornmut"ga g‘alaba keltirdi.
"Liverpul" APLdagi 10 o‘yindan iborat (4 g‘alaba va 6 durang) mag‘lubiyatsiz seriyasiga barham berdi. Arne Slot jamoasi 36 ochko bilan musobaqa jadvalida to‘rtinchi o‘rinda bormoqda. "Bornmut" ochkolarini 30taga yetkazib, 13-pog‘onaga joylashgan.
Bornmut - Liverpul - 3:2
Gollar: Evanilson, 26 (1:0). Ximenes, 33 (2:0). van Deyk, 45 (2:1). Soboslai, 80 (2:2). Adli, 90+5 (3:2)
Bornmut: Petrovich, Senesi, Xill, Tryuffer, Smit, Kuk, Skott, Krupi (Kristi, 67), Adli, Ximenes (Tot, 85), Evanilson (Enes Yunal, 90+3)
Liverpul: Alisson, Gomes (Endo, 35), van Deyk, Kerkez (Robertson, 46), Frimpong (Djons, 59), Makallister (Ekitike, 59), Gravenberx, Virs, Soboslai, Salax, Gakpo (Ngumoxa, 74)
Ogohlantirishlar: Krupi, 45 - Gravenberx, 90
