Англия чемпионатининг 23-турида "Ливерпуль" сафарда "Борнмут"га имкониятни бой берди - 2:3.

Учрашувнинг 33-дақиқасидаёқ мезбонлар 2:0 ҳисобида олдинга ўтиб олишган эди - Эванилсон ва Алехандро Хименес ўз ҳисобига гол ёздириб қўйди. Меҳмонлар Виржил ван Дейк ва Доминик Собослаининг голлари эвазига жавоб қайтарди. 90+5-дақиқада Амин Адли "Борнмут"га ғалаба келтирди.

"Ливерпуль" АПЛдаги 10 ўйиндан иборат (4 ғалаба ва 6 дуранг) мағлубиятсиз сериясига барҳам берди. Арне Слот жамоаси 36 очко билан мусобақа жадвалида тўртинчи ўринда бормоқда. "Борнмут" очколарини 30тага етказиб, 13-поғонага жойлашган.

Борнмут - Ливерпуль - 3:2

Голлар: Эванилсон, 26 (1:0). Хименес, 33 (2:0). ван Дейк, 45 (2:1). Собослаи, 80 (2:2). Адли, 90+5 (3:2)

Борнмут: Петрович, Сенеси, Хилл, Трюффер, Смит, Кук, Скотт, Крупи (Кристи, 67), Адли, Хименес (Тот, 85), Эванилсон (Энес Юнал, 90+3)

Ливерпуль: Алиссон, Гомес (Эндо, 35), ван Дейк, Керкез (Робертсон, 46), Фримпонг (Джонс, 59), Макаллистер (Экитике, 59), Гравенберх, Вирц, Собослаи, Салах, Гакпо (Нгумоха, 74)

Огоҳлантиришлар: Крупи, 45 - Гравенберх, 90