"Bavariya" sport direktori Maks Eberl jamoaning Bundesligada "Augsburg"ga qarshi o‘yindagi (1:2) muvaffaqiyatsizligi haqida gapirdi.
"Bizning maqsadimiz doimo bitta - g‘alaba qozonish, - deya fikr bildirdi Eberl. - Bundesliganing har bir o‘yini murakkab. Bugun biz eng yaxshi o‘yinimizni ko‘rsata olmadik, "Augsburg" esa ko‘rsata oldi. Shu bois raqiblar g‘alabaga haqli edi va biz ularni tabriklaymiz. Har bir o‘yinda maksimal darajada o‘ynash kerak - biz bunday qilmadik. Hozir shiddatli palla, ko‘plab futbolchilar maydonga tusha olishmaydi, ammo baribir maydonga jangovar tarkib tushdi. Muvaffaqiyatsizlikka avvalgidek to‘g‘ri munosabatda bo‘lish kerak. Biz keyingi haftada o‘zimizni oqlashimiz kerak," - deya Eberlning so‘zlarini keltiradi Bayern & Germany.
