Birmingemning "Aston Villa" klubi ustozi sifatida faoliyat olib borayotgan ispaniyalik mutaxassis Unai Emeri "Nyukasl"ga qarshi safar o‘yinidan so‘ng (2:0) OAV vakillari bilan suhbatlashdi.
"Chempionlik? Bu maqsadga erishish uchun har kuni mehnat qilish kerak. Barqaror bo‘lsangiz, ko‘p narsaga erishishingiz mumkin. Ehtimol, 35-turdan keyin bu savolga aniqroq javob bera olarman", - deya murabbiyning so‘zlarini keltiradi Tribal Football.
Birmingem jamoasi 23 turdan so‘ng 46 ochko jamg‘arib, turnir jadvalida uchinchi o‘rinni egallab turibdi. Emeri shogirdlari 1-o‘rinda borayotgan Londonning "Arsenal" klubidan 4 ochko ortda qolmoqda.
