Myunxenning “Bavariya” klubi “Chelsi” safida to‘p surayotgan 19 yoshli futbolchi Josh Achimpongni o‘z safiga qo‘shib olmoqchi. U ham himoyada, ham yarimhimoyada harakat qila oladi. Germaniya grandi kelajak uchun mudofaa chizig‘ini mustahkamlashni maqsad qilgan. Bu haqda Bavarian Football Works nashri xabar berdi.

Manba ma’lumotlariga ko‘ra, “Bavariya” Achimpongni qo‘lga kiritish uchun 2026 yil yoziga qadar kutishga tayyor, biroq klub amaldagi transfer oynasi yakuniga qadar erta transferni amalga oshirish ehtimolini ham istisno etmayapti. Klub tarkibni kuchaytirish bo‘yicha joriy ehtiyojlar va uzoq muddatli rejalashtirish o‘rtasida eng maqbul vaqtni kutmoqda. Shu sababli, Myunxen klubi himoyachi uchun londonliklar talab qiladigan yirik miqdordagi taklifni yuborishga tayyor.

“Chelsi” esa yosh himoyachiga nisbatan o‘z pozisiyasini aniq belgilab qo‘ygan. Klub ichidagi manbalar Achimpongni saqlab qolish niyatida ekanini, uning salohiyati va jamoa mudofaasi uchun ahamiyatini yuqori baholayotganini ta’kidlamoqda.

Joriy mavsumda himoyachi Angliya Premyer Ligasida to‘qqizta uchrashuvda maydonga tushib, bitta gol muallifiga aylangan. Transfermarkt portali Achimpongning transfer qiymatini 20 million yevroga baholamoqda.