"Barselona"dan "PSJ"ga ko‘chib o‘tgan Dro kataloniyaliklar bilan xayrlashdi.

«Men “La Masiya”ga atigi 14 yoshimda kelganman — bir kun kelib “Barcelona”ning asosiy jamoa libosini kiyish orzusi bilan. To‘rt yilga yaqin unutilmas mavsumlardan so‘ng, bugun hayotimdagi eng og‘ir qarorlardan birini qabul qilishim kerak: so‘nggi yillar davomida uyim bo‘lgan klub bilan xayrlashish.

Orqamda ko‘plab do‘stliklar, hayot saboqlari va unutib bo‘lmas xotiralarni qoldiraman. Klubdagi barcha a’zolarga va ayniqsa jamoadoshlarimga maydonda ham, undan tashqarida ham birgalikda o‘tkazgan har bir lahza uchun cheksiz minnatdorchilik bildiraman. Bu klub va bu shahar haqida his-tuyg‘ularimni so‘z bilan ifodalash qiyin — ular har doim yuragimda qoladi.

Bugun boshqa yo‘l tanlayotgan bo‘lsam ham, qayerda bo‘lmayin, sizlarni doimo unutmaynan . “Barcelona” va “La Masiya” — bu mening yo‘limning bir qismi emas, ular men bilan abadiy yashaydi.

Barchasi uchun rahmat! Visca Barca, Visca Catalunya!», - deb yozdi 18 yoshli ispaniyalik futbolchi.