"Napoli" bosh murabbiyi Antonio Konte ko‘p sonli jarohatlar tufayli jamoadagi og‘ir vaziyat haqida gapirdi.
A Seriyada klub peshqadam "Inter"dan 9 ochko ortda qolib, 4-o‘rinda bormoqda. Chorshanba kuni neapolliklar o‘z maydonida Chempionlar ligasi umumiy bosqichining so‘nggi turida "Chelsi" bilan o‘ynaydi, jamoa 25-o‘rinni egallab turibdi va hozircha pley-offga chiqa olmadi.
"Bu ajoyib kecha bo‘ladi, chunki gap Chempionlar Ligasi haqida ketmoqda. Bu men ikki yil davomida murabbiylik qilgan "Chelsi"ga qarshi ajoyib va hayajonli o‘yin bo‘ladi. Men bu klubni bilaman, ularning rejalarini bilaman.
Biz o‘yinga to‘g‘ri kayfiyat va qat’iyat bilan yondashamiz. Biz hamma narsa xavf ostida ekanligini bilamiz, raqibning kuchini bilamiz, barcha raqiblarni hurmat qilishimiz kerak, lekin shu bilan birga oldinga intilishni xohlaymiz va muhim narsaga erishamiz.
Ertaga stadiondan boshimizni baland ko‘tarib chiqish uchun bor kuchimizni sarflashimizga to‘g‘ri keladi, o‘shanda natijani bilib olamiz va pley-offga chiqa olamizmi-yo‘qmi, ko‘ramiz", dedi Konte.
