"Наполи" бош мураббийи Антонио Конте кўп сонли жароҳатлар туфайли жамоадаги оғир вазият ҳақида гапирди.
А Серияда клуб пешқадам "Интер"дан 9 очко ортда қолиб, 4-ўринда бормоқда. Чоршанба куни неаполликлар ўз майдонида Чемпионлар лигаси умумий босқичининг сўнгги турида "Челси" билан ўйнайди, жамоа 25-ўринни эгаллаб турибди ва ҳозирча плей-оффга чиқа олмади.
"Бу ажойиб кеча бўлади, чунки гап Чемпионлар Лигаси ҳақида кетмоқда. Бу мен икки йил давомида мураббийлик қилган "Челси"га қарши ажойиб ва ҳаяжонли ўйин бўлади. Мен бу клубни биламан, уларнинг режаларини биламан.
Биз ўйинга тўғри кайфият ва қатъият билан ёндашамиз. Биз ҳамма нарса хавф остида эканлигини биламиз, рақибнинг кучини биламиз, барча рақибларни ҳурмат қилишимиз керак, лекин шу билан бирга олдинга интилишни хоҳлаймиз ва муҳим нарсага эришамиз.
Эртага стадиондан бошимизни баланд кўтариб чиқиш учун бор кучимизни сарфлашимизга тўғри келади, ўшанда натижани билиб оламиз ва плей-оффга чиқа оламизми-йўқми, кўрамиз", деди Конте.
