"Liverpul" markaziy himoyachisi Virjil van Deyk shartnomasi yakuniga qadar jamoani tark etishi dargumon. So‘nggi paytlarda "qizillar" sardori o‘yindagi pasayish uchun tanqid qilinmoqda, ammo klubda hali ham tajribali niderlandiyalikka ishonch bor.

Football Insider xabariga ko‘ra, "Liverpul" barcha gap-so‘zlarga qaramay, 34 yoshli futbolchi uchun transfer takliflarini ko‘rib chiqmaydi.

Virjil van Deykning mersisaydliklar bilan shartnomasi 2027 yilning yarmigacha mo‘ljallangan bo‘lib, uning transfer narxi Transfermarkt portali tomonidan 18 mln yevroga baholanmoqda. Joriy mavsumda futbolchi Arne Slot jamoasi safida barcha musobaqalarda 32 ta o‘yin o‘tkazib, o‘z hisobiga ikkita gol yozdirib qo‘ydi.