«Fenerbaxche» yarim himoyachisi Fred qishki transfer oynasi yopilgunga qadar klubini o‘zgartirishi mumkin.
Voetbal International xabariga ko‘ra, 32 yoshli braziliyalik futbolchini «Ayaks» o‘z safiga qo‘shib olish ustida ish olib bormoqda. Niderlandiya grandi kelishuvni imkoni boricha tezroq yakunlashni istamoqda.
Fred 2023 yil yozidan beri Turkiyada to‘p tepib kelmoqda — o‘shanda «Fenerbaxche» uni «Manchester Yunayted»dan qariyb 10 mln yevroga sotib olgan edi. Joriy mavsumda u Istanbul jamoasi safida 29 ta o‘yin o‘tkazib, 1 ta gol va 3 ta golli uzatma muallifi bo‘ldi. Transfermarkt portalida uning transfer bahosi 7 mln yevroga teng.
