«Фенербахче» ярим ҳимоячиси Фред қишки трансфер ойнаси ёпилгунга қадар клубини ўзгартириши мумкин.
Voetbal International хабарига кўра, 32 ёшли бразилиялик футболчини «Аякс» ўз сафига қўшиб олиш устида иш олиб бормоқда. Нидерландия гранди келишувни имкони борича тезроқ якунлашни истамоқда.
Фред 2023 йил ёзидан бери Туркияда тўп тепиб келмоқда — ўшанда «Фенербахче» уни «Манчестер Юнайтед»дан қарийб 10 млн еврога сотиб олган эди. Жорий мавсумда у Истанбул жамоаси сафида 29 та ўйин ўтказиб, 1 та гол ва 3 та голли узатма муаллифи бўлди. Transfermarkt порталида унинг трансфер баҳоси 7 млн еврога тенг.
