Osiyo futbol konfederasiyasi (OFK) tavsiyasiga binoan mamlakatimizning tajribali mutaxassislaridan biri, Farg‘onaning “Neftchi” futzal jamoasi bosh murabbiyi Farrux Zokirov vaqtinchalik Maldiv orollariga safarbar etilgandi.
Farrux Zokirov ikki oy davomida Maldiv orollari milliy terma jamoasiga bosh murabbiy bo‘lib xizmat qildi. Uning boshqaruvi ostida Maldiv terma jamoasi Janubiy Osiyo Futbol Federasiyasi (SAFF) kubogida ishtirok etib, barcha raqiblari ustidan g‘alaba qozondi va mintaqa chempioni degan sharafli nomga sazovor bo‘ldi.
Ma’lumot uchun, SAFF chempionati Janubiy Osiyo Futbol Federasiyasi tomonidan tashkil etilgan bo‘lib, ushbu mintaqa milliy terma jamoalari o‘rtasidagi birinchi futzal musobaqasi hisoblanadi. Turnir joriy yilning yanvar oyida Tailandda bo‘lib o‘tdi va unda 7 ta jamoa ishtirok etdi. Qatnashchilarning 4 tasida eronlik, 1 tasida o‘zbekistonlik va 2 tasida mahalliy mutaxassislar faoliyat olib borishdi va yakunda hamyurtimiz Farruz Zokirov jamoasi zafar quchdi.
