«Barselona» ustozi Xans-Diter Flik Ispaniya Kubogi chorak finalida «Albasete»ga qarshi kechgan bahsdagi (2:1) Ronald Arauxoning goli haqida o‘z fikrlarini bildirdi. Urugvaylik markaziy himoyachi 56-daqiqada gol urib, hisobni 2:0 ko‘rinishiga keltirdi. O‘yin yakunida raqiblar bitta javob to‘pini kiritishgan bo‘lsa-da, mehmonlar ustunlikni saqlab qolishdi va yarim finalga yo‘l olishdi.

«Men Arauxo uchun juda xursandman. Uning bugun gol urgani ajoyib bo‘ldi. Bu unga juda zarur edi. Ronaldning uzoq vaqtlik tanaffusdan keyin maydonga qaytishi — bu asta-sekinlik bilan kechadigan jarayon. Men unga o‘ziga bo‘lgan ishonchni qayta tiklashda va optimal formaga kirib olishida yordam berishga harakat qilyapman. O‘yin oxirida u charchab qoldi, lekin bu tabiiy hol», – dedi Flik o‘yindan keyingi intervyusida.

Eslatib o‘tamiz, Ronald Arauxo psixologik qiyinchiliklar sababli noyabr oyidan yanvargacha maydonga tushmayotgan edi.