Germaniya terma jamoasi bosh murabbiyi Yulian Nagelsmann darvozabon Mark-Andre ter Shtegenning navbatdagi jarohati haqidagi xabarlarga munosabat bildirdi.
Yanvar oyida 33 yoshli posbon "Barselona"dan "Jirona"ga ijara asosida o‘tgan edi. Nemis darvozaboni yangi jamoasida atigi ikkita o‘yin o‘tkazishga ulgurdi va yana jarohat tufayli safdan chiqdi.
"Bu juda achinarli. Mark endigina safga qaytgan va to‘g‘ri yo‘lda edi. Biz uni terma jamoada ko‘rishni intizorlik bilan kutayotgan edik, ammo hozir faqat bir narsa muhim — u ortiqcha bosimsiz, xotirjam tiklanishi kerak. Barchamiz uni qo‘llab-quvvatlaymiz. Afsuski, biz yana usiz o‘ynashga majburmiz, lekin eng qiyini uning o‘ziga bo‘ldi", — deya Nagelsmannning so‘zlarini keltirmoqda Bayern & Germany.
Taxminlarga ko‘ra, Mark-Andre ter Shtegen bir necha oyni o‘tkazib yuboradi.
