Германия терма жамоаси бош мураббийи Юлиан Нагельсманн дарвозабон Марк-Андре тер Штегеннинг навбатдаги жароҳати ҳақидаги хабарларга муносабат билдирди.
Январь ойида 33 ёшли посбон "Барселона"дан "Жирона"га ижара асосида ўтган эди. Немис дарвозабони янги жамоасида атиги иккита ўйин ўтказишга улгурди ва яна жароҳат туфайли сафдан чиқди.
"Бу жуда ачинарли. Марк эндигина сафга қайтган ва тўғри йўлда эди. Биз уни терма жамоада кўришни интизорлик билан кутаётган эдик, аммо ҳозир фақат бир нарса муҳим — у ортиқча босимсиз, хотиржам тикланиши керак. Барчамиз уни қўллаб-қувватлаймиз. Афсуски, биз яна усиз ўйнашга мажбурмиз, лекин энг қийини унинг ўзига бўлди", — дея Нагельсманннинг сўзларини келтирмоқда Bayern & Germany.
Тахминларга кўра, Марк-Андре тер Штеген бир неча ойни ўтказиб юборади.
