«Barselona» bosh murabbiyi Xans-Diter Flik hujumchi Robert Levandovskining kelajagi borasida bir qarorga keldi. ESPN nashrining xabar berishicha, germaniyalik mutaxassis 37 yoshli Levandovskining o‘yinga bo‘lgan munosabati va ko‘rsatayotgan natijalaridan mamnun. Shu sababli, klub polshalik hujumchini kamida 2027 yilning yoziga qadar jamoada olib qolish variantlarini ko‘rib chiqmoqda.
Manbaning qayd etishicha, «Barselona» Levandovskiga yangi shartnoma taklif qilishi mumkin, biroq unda maosh miqdori pastroq bo‘ladi. Hozircha muzokaralar boshlangani yo‘q, lekin yaqin orada Deku va Flik futbolchi bilan kelajakdagi rejalar haqida suhbatlashishadi. Klub Robertning nafaqat maydonda, balki kiyinish xonasida ham muhim rol o‘ynashda davom etishiga ishonmoqda.
2025/2026 yilgi mavsumda Robert Levandovski 27 ta o‘yinda maydonga tushib, 12 ta gol urdi va 3 ta golli uzatmani amalga oshirdi.
