«Барселона» бош мураббийи Ханс-Дитер Флик ҳужумчи Роберт Левандовскининг келажаги борасида бир қарорга келди. ESPN нашрининг хабар беришича, германиялик мутахассис 37 ёшли Левандовскининг ўйинга бўлган муносабати ва кўрсатаётган натижаларидан мамнун. Шу сабабли, клуб польшалик ҳужумчини камида 2027 йилнинг ёзига қадар жамоада олиб қолиш вариантларини кўриб чиқмоқда.
Манбанинг қайд этишича, «Барселона» Левандовскига янги шартнома таклиф қилиши мумкин, бироқ унда маош миқдори пастроқ бўлади. Ҳозирча музокаралар бошлангани йўқ, лекин яқин орада Деку ва Флик футболчи билан келажакдаги режалар ҳақида суҳбатлашишади. Клуб Робертнинг нафақат майдонда, балки кийиниш хонасида ҳам муҳим рол ўйнашда давом этишига ишонмоқда.
2025/2026 йилги мавсумда Роберт Левандовски 27 та ўйинда майдонга тушиб, 12 та гол урди ва 3 та голли узатмани амалга оширди.
