Turinning «Yuventus» klubi ustozi Luchano Spalletti «Atalanta»dan qabul qilingan mag‘lubiyatga izoh berdi — javobsiz uchta gol o‘tkazib yuborgan turinliklar chorak final bosqichida Italiya Kubogi bilan xayrlashishdi. Murabbiyning fikricha, bu mag‘lubiyat jamoa uchun yaxshi dars bo‘ladi.

«Atalanta» juda yaxshi shakllangan jamoa, ularda ajoyib murabbiy ishlamoqda. Ba’zida bunday jamoalar ustidan g‘alaba qozonishning iloji bo‘ladi, ba’zida esa mag‘lubiyatni tan olish va undan xulosa chiqarishga to‘g‘ri keladi», — deya mutaxassisning so‘zlarini keltiradi calcioatalanta.it.

Ma’lumot uchun, «Yuventus» Italiya Kubogida 15 marta zafar quchgan va oxirgi marta bu voqea 2024 yilda sodir bo‘lgan edi. «Atalanta» esa turnirda bor-yo‘g‘i bir marta — 1963 yilda g‘olib chiqqan.