Madridning "Real" klubi bosh murabbiyi Alvaro Arbeloa "qaymoqranglilar"ning sobiq ustozi Zinedin Zidan bilan o‘xshash jihatlarga ega. Xususan, "qaymoqranglilar"ning hozirgi yulduzlari Arbeloani qo‘llab-quvvatlamoqda, avvalroq klubning obro‘li futbolchilari fransiyalik mutaxassisni qo‘llab-quvvatlagan edi. Bu haqda Sport.es xabar bermoqda.

Manbaga ko‘ra, Arbeloa ham Zidan kabi "Qirollik klubi" rahbari Florentino Peres tomonidan qo‘llab-quvvatlanadi. Ta’kidlanishicha, ikkala mutaxassis ham "prezident ko‘rsatgan iplardan tortishmoqda".

Ammo murabbiylar o‘rtasida ikkita farq bor. Birinchidan, ispaniyalik mutaxassisga Zidandagi kabi "ma’naviy obro‘" yetishmayapti. Ikkinchidan, matbuotda Arbeloaga nisbatan fransuzdagidek xayrixohlik yo‘q.

Arbeloa "qaymoqranglilar"ni 13 yanvar kuni qabul qilib oldi. Zidan 2016 yildan 2018 yilgacha va 2019 yildan 2021 yilgacha madridliklarni boshqargan.