Darvozabon Yann Zommerning Milanning «Inter» klubi bilan shartnomasi mavsum yakunida o‘z nihoyasiga yetadi.

Ko‘plab mish-mishlarga ko‘ra, «neradzurrilar» rahbariyati shveysariyalik posbon bilan xayrlashishga tayyor va uning shartnomasini uzaytirishni rejalashtirmayapti. Shunga qaramay, insayder Nikolo Skiraning xabar berishicha, vaziyat noaniqligicha qolmoqda: yaqin haftalarda tomonlar uchrashuv o‘tkazishadi va unda 37 yoshli darvozabonning kelajagi hal qilinadi. Yangi kelishuv imzolanishi hali ham istisno etilmagan.

Yann Zommer 2023 yilning yozida Myunxenning «Bavariya» klubidan «Inter»ga ko‘chib o‘tgan edi. Joriy mavsumda posbon Kristian Kivu jamoasi safida barcha turnirlarda 29 ta o‘yinda maydonga tushib, o‘z darvozasidan 25 ta to‘p olib chiqdi.