Дарвозабон Янн Зоммернинг Миланнинг «Интер» клуби билан шартномаси мавсум якунида ўз ниҳоясига етади.

Кўплаб миш-мишларга кўра, «нерадзуррилар» раҳбарияти швейцариялик посбон билан хайрлашишга тайёр ва унинг шартномасини узайтиришни режалаштирмаяпти. Шунга қарамай, инсайдер Николо Скиранинг хабар беришича, вазият ноаниқлигича қолмоқда: яқин ҳафталарда томонлар учрашув ўтказишади ва унда 37 ёшли дарвозабоннинг келажаги ҳал қилинади. Янги келишув имзоланиши ҳали ҳам истисно этилмаган.

Янн Зоммер 2023 йилнинг ёзида Мюнхеннинг «Бавария» клубидан «Интер»га кўчиб ўтган эди. Жорий мавсумда посбон Кристиан Киву жамоаси сафида барча турнирларда 29 та ўйинда майдонга тушиб, ўз дарвозасидан 25 та тўп олиб чиқди.