"Manchester Yunayted" sardori Brunu Fernandesh Angliya Premyer-ligasi doirasidagi "Chelsi" va "Vulverxempton" o‘rtasidagi o‘yinda Koul Palmer tomonidan qayd etilgan xet-trikka munosabat bildirdi.
Ingliz futbolchisi shanba kungi bahsning 13 va 35-daqiqalarida penaltilarni aniq amalga oshirdi, 38-daqiqada esa o‘yindan gol urib, o‘z hisobiga xet-trikni yozib qo‘ydi. Uchrashuv yakunlanganidan so‘ng, 23 yoshli o‘yinchi ijtimoiy tarmoqlarda o‘z muvaffaqiyatiga bag‘ishlangan post qoldirdi. Fernandesh esa ushbu nashr ostida iqtibos qoldirdi: "Qanday o‘yinchi!" – deya yozib qoldirdi portugaliyalik futbolchi.
Koul Palmerning uchta goli "Chelsi"ga "bo‘rilar" ustidan 3:1 hisobida g‘alaba qozonish uchun kifoya qildi. O‘yindan keyingi intervyusida "ko‘klar" yarim himoyachisi jarohatlar bilan bog‘liq muammolardan so‘ng hali hamon optimal formasiga kirib ulgurmaganini tan oldi.
