Italiya A Seriyasining 24-turidan o‘rin olgan ilk uchrashuvda «Sassuolo» o‘z maydonida «Inter»ni qabul qildi. Bellashuv Italiyaning Redjo-nel-Emiliya shahrida joylashgan «Mapey — Chitta-del-Trikolore» stadionida bo‘lib o‘tdi. Bahs «Inter»ning 5:0 hisobidagi yirik g‘alabasi bilan yakunlandi.

Hisob 11-daqiqada milanliklar himoyachisi Yann Bissekk tomonidan ochildi. 28-daqiqada Markus Tyuram jamoasining ustunligini oshirdi. Ikkinchi bo‘limda, 50-daqiqada Lautaro Martines hisobni yiriklashtirdi, oradan uch daqiqa o‘tib esa Manuel Akanji to‘rtinchi golni kiritdi. 54-daqiqada «Sassuolo» yarim himoyachisi Nemanya Matich qizil kartochka olib, maydonni tark etdi. Uchrashuvga 88-daqiqada Luis Enrikening aniq zarbasi yakun yasadi.

Shuningdek, «Inter» himoyachisi Federiko Dimarko ushbu uchrashuvda uchta golli uzatma amalga oshirib, assistlardan xet-trik qayd etdi.

Bu g‘alabadan so‘ng «Inter» 24 o‘yindan keyin 58 ochko jamg‘arib, A Seriya turnir jadvalida birinchi o‘rinni egallab turibdi. «Sassuolo» esa 29 ochko bilan 11-pog‘onada joylashgan.

Italiya — A Seriyasi, 24-tur
08 fevral 2026 yil, yakshanba
Redjo-nel-Emiliya, «Mapey — Chitta-del-Trikolore» stadioni
Sassuolo — Inter — 0:5
Gollar: 0:1 — Bissekk (11), 0:2 — Tyuram (28), 0:3 — Martines (50), 0:4 — Akandji (53), 0:5 — Enrike (88)
Chetlatish: Matich («Sassuolo») — 54-daqiqa
Bosh hakam: Daniele Kiffi