«Bavariya» Dayo Upamekanoning jamoada qolishini rasman e’lon qildi. Fransiyalik himoyachi Myunxen grandi bilan shartnomasini 2028/2029 yilgi mavsum yakuniga qadar uzaytirdi.

So‘nggi oylarda Upamekano doimiy ravishda turli mish-mishlar markazida bo‘lib kelayotgan edi, chunki uning amaldagi shartnomasi shu yozda o‘z nihoyasiga yetardi. 27 yoshli futbolchi «Bavariya»dagi beshinchi mavsumini o‘tkazmoqda. Ushbu davr mobaynida Dayo 180 ta rasmiy o‘yinda maydonga tushib, o‘z hisobiga 6 ta gol va 11 ta assist yozdirib qo‘ygan.

«Bavariya» Germaniya chempionatida peshqadamlik qilmoqda va ikkinchi o‘rindagi Dortmundning «Borussiya» jamoasini 6 ochkoga ortda qoldirmoqda. Shanba kuni, 14 fevral kuni Myunxen klubi safarda «Verder»ga qarshi maydonga tushadi.