"Nottingem Forest" yarim himoyachisi Omari Xatchinson bir yo‘la Angliya Premyer-ligasining bir nechta klublari qiziqishlari doirasida turibdi. Bu haqda insayder Ekrem Konur ijtimoiy tarmoqlar orqali xabar bermoqda.

Jurnalistning ma’lumotlariga ko‘ra, yarim himoyachining transferiga uchta klub qiziqish bildirmoqda: "Chelsi", "Arsenal" va "Nyukasl". Ehtimoliy kelishuv summasi 63-68 million yevroni tashkil qilishi mumkin.

Joriy mavsumda Xatchinson 22 ta uchrashuvda maydonga tushib, o‘z hisobiga bitta gol va oltita golli uzatmani yozdirib qo‘ydi. Yarim himoyachi va "o‘rmonchilar" o‘rtasidagi amaldagi mehnat shartnomasi 2030 yilning o‘rtalarigacha mo‘ljallangan.