Igor Tudor «Tottenxem» boshqaruvini qabul qilib oldi. London klubi xorvatiyalik mutaxassis bilan 2025/2026 yilgi mavsum yakuniga qadar shartnoma imzolanganini e’lon qildi. Ushbu mavzuda «shporlar» sport direktori Yoxan Lange o‘z fikrlarini bildirdi.
«Igor o‘zi bilan birga aniqlik, shiddat va natija ko‘rsatish zarur bo‘lgan murakkab vaziyatlarda ishlash tajribasini olib keladi. Maqsadimiz aniq — o‘yinni barqarorlashtirish va Premyer-liga hamda Chempionlar ligasida jiddiy kurash olib borish uchun tarkib sifatidan maksimal darajada foydalanishdir», — deya Langening so‘zlari keltiriladi klub rasmiy saytida.
«Tottenxem» Premyer-ligada 16-o‘rinni egallab turibdi va xavfli hududdan (quyi ligaga tushib ketish zonasidan) bor-yo‘g‘i besh ochkoga oldinda, xolos.
