Игор Тудор «Тоттенхэм» бошқарувини қабул қилиб олди. Лондон клуби хорватиялик мутахассис билан 2025/2026 йилги мавсум якунига қадар шартнома имзоланганини эълон қилди. Ушбу мавзуда «шпорлар» спорт директори Йохан Ланге ўз фикрларини билдирди.
«Игор ўзи билан бирга аниқлик, шиддат ва натижа кўрсатиш зарур бўлган мураккаб вазиятларда ишлаш тажрибасини олиб келади. Мақсадимиз аниқ — ўйинни барқарорлаштириш ва Премьер-лига ҳамда Чемпионлар лигасида жиддий кураш олиб бориш учун таркиб сифатидан максимал даражада фойдаланишдир», — дея Лангенинг сўзлари келтирилади клуб расмий сайтида.
«Тоттенхэм» Премьер-лигада 16-ўринни эгаллаб турибди ва хавфли ҳудуддан (қуйи лигага тушиб кетиш зонасидан) бор-йўғи беш очкога олдинда, холос.
