«Manchester Yunayted» futbolchilari jamoa markaziy himoyachisi Garri Maguayrni qo‘llab-quvvatlashlarini bildirishdi. Bu haqda Tribal Football nashri xabar bermoqda.
Manba bergan ma’lumotlarga ko‘ra, jamoa a’zolari «qizil iblislar» va 32 yoshli ijrochi o‘rtasida yangi mehnat shartnomasi imzolanishi tarafdori. Maguayrning mankunianliklar bilan amaldagi kelishuvi 2026 yil iyun oyi oxirida yakuniga yetadi. Garri 2019 yilning avgustidan buyon «Manchester Yunayted» sharafini himoya qilib kelmoqda.
Angliya Premyer-ligasining joriy mavsumida tajribali futbolchi 13 ta uchrashuvda maydonga tushdi. Maguayr o‘z hisobiga bitta gol va bitta golli uzatmani yozdirib qo‘yishga muvaffaq bo‘ldi.
