«Milan» markaziy yarim himoyachi Ruben Loftus-CHik bilan mehnat shartnomasini uzaytirish bo‘yicha muzokaralarni boshladi. Bu haqda Tuttosport nashri xabar bermoqda.
Qayd etilishicha, so‘nggi paytlarda angliyalik futbolchi asosiy tarkibning muhim o‘yinchisi sifatida o‘z maqomini sezilarli darajada mustahkamladi. «Rossoneri» bosh murabbiyi Massimiliano Allegri o‘z shogirdining o‘yinidan to‘liq mamnun.
Joriy mavsumda Loftus-CHik «Milan»ning barcha turnirlardagi 26 ta o‘yinida ishtirok etib, o‘z hisobiga uchta gol va bitta golli uzatmani yozdirib qo‘ydi. 30 yoshli xavbekning italiyalik jamoa bilan amaldagi shartnomasi 2027 yilda yakuniga etadi.
