«Милан» марказий ярим ҳимоячи Рубен Лофтус-Чик билан меҳнат шартномасини узайтириш бўйича музокараларни бошлади. Бу ҳақда Tuttosport нашри хабар бермоқда.
Қайд этилишича, сўнгги пайтларда англиялик футболчи асосий таркибнинг муҳим ўйинчиси сифатида ўз мақомини сезиларли даражада мустаҳкамлади. «Россонери» бош мураббийи Массимилиано Аллегри ўз шогирдининг ўйинидан тўлиқ мамнун.
Жорий мавсумда Лофтус-Чик «Милан»нинг барча турнирлардаги 26 та ўйинида иштирок этиб, ўз ҳисобига учта гол ва битта голли узатмани ёздириб қўйди. 30 ёшли хавбекнинг италиялик жамоа билан амалдаги шартномаси 2027 йилда якунига этади.
