«Betis» vingeri Antoni muntazam ravishda gollar va golli uzatmalarni amalga oshirishda davom etmoqda.

La Liganing 24-turidan o‘rin olgan «Malyorka»ga qarshi bahsda 25 yoshli futbolchi o‘z hisobiga assist yozdirib qo‘ydi. Opta ma’lumotlariga ko‘ra, Antoni o‘tgan yilning fevral oyida «Betis»ga kelganidan beri Yevropaning kuchli beshlik chempionatlarida samarali harakatlar soni bo‘yicha braziliyaliklar orasida ikkinchi o‘rinda bormoqda. Sevilyaliklar hujum yetakchisi 33 ta golda (19 ta gol va 14 ta uzatma) ishtirok etgan bo‘lsa, reytingni boshqarib turgan «Barselona» a’zosi Rafinya 40 ta (26+14) golli harakatni amalga oshirgan.

Eslatib o‘tamiz, o‘tgan qishda «Betis» Antonini «Manchester Yunayted»dan ijaraga olgan edi, yozda esa uning transferini to‘liq sotib oldi.