«Бетис» вингери Антони мунтазам равишда голлар ва голли узатмаларни амалга оширишда давом этмоқда.

Ла Лиганинг 24-туридан ўрин олган «Мальорка»га қарши баҳсда 25 ёшли футболчи ўз ҳисобига ассист ёздириб қўйди. Opta маълумотларига кўра, Антони ўтган йилнинг февраль ойида «Бетис»га келганидан бери Европанинг кучли бешлик чемпионатларида самарали ҳаракатлар сони бўйича бразилияликлар орасида иккинчи ўринда бормоқда. Севильяликлар ҳужум етакчиси 33 та голда (19 та гол ва 14 та узатма) иштирок этган бўлса, рейтингни бошқариб турган «Барселона» аъзоси Рафинья 40 та (26+14) голли ҳаракатни амалга оширган.

Эслатиб ўтамиз, ўтган қишда «Бетис» Антонини «Манчестер Юнайтед»дан ижарага олган эди, ёзда эса унинг трансферини тўлиқ сотиб олди.