«Манчестер Сити» «Реал» президентлигига номзод Энрике Рикельменинг сайловда ғолиб чиқса, мадридликлар «Манчестер Сити» форварди Эрлинг Холандни сотиб олиши ҳақидаги баёнотидан хавотирда эмас, деб хабар берди инсайдер Фабрицио Романо X ижтимоий тармоғида.

Манбага кўра, инглиз клуби норвегиялик ҳужумчининг ёзда жамоадан кетишини кутмаяпти. «Сити» Холандни янги бош мураббий Энцо Мареска бошчилигидаги лойиҳанинг асосий қисми деб ҳисоблайди.

«Реал»да президентлик сайловлари якшанба куни, 7 июнь куни бўлиб ўтади.

25 ёшли норвегиялик футболчининг «Манчестер Сити» билан амалдаги шартномаси 2030 йилгача мўлжалланган. Transfermarkt портали футболчининг трансфер нархини 200 миллион еврога баҳоламоқда.

2025/26 йилги мавсумда Холанд барча турнирларда 52 та ўйинда майдонга тушиб, 38 та гол урди ва 9 та голли узатмани амалга оширди.