«Benfika» bosh murabbiyi Joze Mourinyo yana Angliya Premyer-ligasiga qaytishi mumkin.

The Touchline nashrining xabar berishicha, Joze Mourinyoning atrofidagi insonlar ingliz grandlaridan biri portugaliyalik mutaxassisning «Benfika»dagi ishini diqqat bilan kuzatib borayotganini ma’lum qilishgan. Nomi oshkor etilmagan klub «Benfika»ning Chempionlar ligasida Madridning «Real» klubi ustidan qozongan ishonchli g‘alabasidan ayniqsa hayratda qolgan.

Manbaga ko‘ra, agar Mourinyo shogirdlari pley-off bosqichida «qirollik klubi»ni musobaqadan chiqarib yubora olsa, APL grandi kelayotgan yozda murabbiyni o‘z safiga qo‘shib olishga harakat qiladi.

Eslatib o‘tamiz, Mourinyo bunga qadar Angliya chempionatida quyidagi klublarda faoliyat yuritgan: «Chelsi» (ikki marta), «Manchester Yunayted», «Tottenxem».