«Бенфика» бош мураббийи Жозе Моуриньо яна Англия Премьер-лигасига қайтиши мумкин.
The Touchline нашрининг хабар беришича, Жозе Моуриньонинг атрофидаги инсонлар инглиз грандларидан бири португалиялик мутахассиснинг «Бенфика»даги ишини диққат билан кузатиб бораётганини маълум қилишган. Номи ошкор этилмаган клуб «Бенфика»нинг Чемпионлар лигасида Мадриднинг «Реал» клуби устидан қозонган ишончли ғалабасидан айниқса ҳайратда қолган.
Манбага кўра, агар Моуриньо шогирдлари плей-офф босқичида «қироллик клуби»ни мусобақадан чиқариб юбора олса, АПЛ гранди келаётган ёзда мураббийни ўз сафига қўшиб олишга ҳаракат қилади.
Эслатиб ўтамиз, Моуриньо бунга қадар Англия чемпионатида қуйидаги клубларда фаолият юритган: «Челси» (икки марта), «Манчестер Юнайтед», «Тоттенхэм».
