Kilian Mbappe "Real"dagi jamoadoshi Vinisius Juniorni qo‘llab-quvvatladi. Braziliyalik futbolchi Chempionlar ligasi doirasidagi "Benfika"ga qarshi o‘yinda raqibi Janluka Prestiannini irqchilikda ayblagan edi. Argentinalik esa Vini uni shunchaki noto‘g‘ri tushunganini ta’kidlamoqda.

Shu bilan birga, Vinisiusning o‘zi ham burchak bayroqchasi yonidagi provokasion gol nishonlashi uchun tanqidlar girdobida qoldi. Mbappe braziliyalik futbolchini himoya qildi.

"Raqsga tush, Vini, va hech qachon to‘xtama. Ular bizga nima qilish kerakligini va nimani qilmaslik kerakligini o‘rgata olmaydi", - deb yozdi Mbappe ijtimoiy tarmoqlarda.