Килиан Мбаппе "Реал"даги жамоадоши Винисиус Жуниорни қўллаб-қувватлади. Бразилиялик футболчи Чемпионлар лигаси доирасидаги "Бенфика"га қарши ўйинда рақиби Жанлука Престианнини ирқчиликда айблаган эди. Аргентиналик эса Вини уни шунчаки нотўғри тушунганини таъкидламоқда.
Шу билан бирга, Винисиуснинг ўзи ҳам бурчак байроқчаси ёнидаги провокацион гол нишонлаши учун танқидлар гирдобида қолди. Мбаппе бразилиялик футболчини ҳимоя қилди.
"Рақсга туш, Вини, ва ҳеч қачон тўхтама. Улар бизга нима қилиш кераклигини ва нимани қилмаслик кераклигини ўргата олмайди", - деб ёзди Мбаппе ижтимоий тармоқларда.
