Londonning "Chelsi" klubi markaziy hujumchisi Liam Delap joriy mavsum yakunida jamoani tark etishi mumkin. Bu haqda "Football Insider" jurnalistlari xabar bermoqda.

Manba bergan ma’lumotlarga ko‘ra, 23 yoshli futbolchiga Premyer-liganing boshqa bir vakili — "Everton" jiddiy qiziqish bildirmoqda. "Aristokratlar" o‘z navbatida Delapni 34 million yevro (taxminan 30 million funt) evaziga qo‘yib yuborishga tayyor. "Irislar" Liamni yozgi transfer bozoridagi ustuvor maqsadlaridan biri sifatida belgilab olishgan.

Joriy mavsumda hujumchi barcha musobaqalarda 24 ta o‘yinda maydonga tushib, o‘z hisobiga 2 ta gol va 4 ta golli uzatmani yozdirib qo‘ydi. Futbolchining londonliklar bilan amaldagi shartnomasi 2031 yilning yozigacha mo‘ljallangan.